सं.पु.
सं.धौरेय
1.बैल, वृषभ (डिं.को.)
- उदा.--1..वचन सुणै तिण वार, तैं धोरी मांगण तणौ। नर कीधी नाकार, धूणे कांधौ धीरड़ै।--गो.रू.
- उदा.--2..ज्यां रै धोरौ बेगड़ौ, ज्यां रा सींग बधंत। औ जूपै जिण रथ अकळ, सोही रण सोहंत।--बां.दा.
2.देखो 'धोरौ'(अल्पा., रू.भे.) वि.--
1.अगुआ, मुखिया, प्रधान।
- उदा.--1..इंद नरिंद दिणिंद फुणिंद, नमाए हैं व्रिंद आणंद विधाता। धोरी धरम को धीर धरा धर, ध्यांन धरै 'धरमसी' गुण ध्याता।--ध.व.ग्रं.
- उदा.--2..सच्चा बे साहिब तूं ध्रम धोरी, सिवपुर सुख दे मै कुं भोरी। समयसुंदर मन रंग रिखभ जी, आउ असाड़ा कोल।--स.कु.