सं.पु.
1.पुरुष, आदमी।
- उदा.--कठै ही लुगाया, कठै ही मोटियार कठै ही वांणिया, कठै ही गिंवार, मेळौ सो लाग रैयौ है। मंगतां री पांत अर कमीणी जात ल्यावौ, ल्यावौ कर रैयी है।--दसदोख
2.युवा, जवान, तरुण व्यक्ति।
- उदा.--1..दोय जणा अेक कईक ढळती औस्था रौ अर एक मोटियार जिकै रै हाथ में लालटेण, बारणौ खोल' हड़बड़ांवता खाथाखाता टुर पड़्या।--वरसगांठ
- उदा.--2..तूठै गोगोजी वूढा ठाढा डोकरां, तूठै भल मोटियारां ओ। गाय गवाड़ै सीखै सांभळै, जिण री गोगोजी पूरै छै आस ओ।--लो.गी.
- उदा.--3..तिण सूं आ कहै म्हारौ पती म्हारा वूढा पणा पहला मारीजसी इसौ सूरमापणौ दीसै छै और हूं लारै सत कर सुरग में पाछा तरुण मोटियार होय रहसां।--वीर सतसई की टीका
- उदा.--4..सु आसथांनजी रौ डेरौ एके बांभण रै घरै। तिणरी बेटी मोटियार। तैनूं आसथांनजी देख अर कहण लागा-जु आ विधवा छै? तद ब्राह्मण बोलियौ 'राज' आ कूंवारी छै।--नैणसी
3.पति, खाविंद।
- उदा.--बखत री बात, मां मरै बींरी मौसी ही मरै। मोटियार मर्यौ अर बियैरै लारै लारै बेटौ भी आगीनै गैंयौ। बापड़ी सूधी भोळी विधवा दोरो सोरौ आपरौ गरीब गुजरांण करती गयी।--दसदोख
5.युवकों के लिए प्रयुक्त किया जाने वाला संबोधन सूचक शब्द।
- उदा.--1..फेर इंण कुंवर नै हीज पूछौ, आपै ठीक पड़सी। ताहरां कोटवाळ पूछिया-क्योंकर मोटियार, कासूं कहै छै?
- उदा.--2..तितरै साह कह्यौ-रै कपूत, कासूं कहै छै, कैंरौ बेटो छै? ताहरां फेर कह्यौ-थांहरौ बेटो छूं। ताहरां कोटवाळ कह्यौ रे मोटियार, यूं विचळियौ क्यूं बोलै छै।--पलक दरियाव री बात
1.वीर, बहादुर।
- उदा.--1..जैसिंहजी बालक मोटियार फौज आछी सो जाफरखां उज्जीण सूं कूंच करनै नरबदा कन्है जाय पहुंचौ।--गौड़ गोपाळदास री वारता
- उदा.--2..केसवदास आदमी बडौ संचियार थौ जलाल थौ मरद मोटियार थौ।--मारवाड़ रा अमरावां री वारता
2.युवक, युवा, जवान।
- उदा.--1..इसा में आप नुं खरळ रौ बोल याद आयौ, जो म्हां कनां सांवण री तीजां रौ कवल लीयौ थौ। तद कुंवर मोटियारां नुं पूछियौ, जो तीज कद छै।--कुंवरसी सांखला री वारता
- उदा.--2..एक रजपूत रावतजी की हजूर रहै। जको आदमी तौ पाधरौ सौ। पण मोटियार पगछंटौ सौ।--प्रतापसिंघ म्होंकमसिंघ री बात
रू.भे.
मोटयार, मोटीयार, मोट्यार, मोठियार।