सं.स्त्री.

1.साक्षी, गवाही।

• उदा.--1..इण मुख मांहै तौ जिसा, केई मावै लाख। मूढ म जांणै झूठ तूं, सूरज चंदौ साख।--गजउद्धार
• उदा.--2..जौ कोई खून हुवै मुझ अंदर, तौ दूं साख भराई। पिण कहौ जुग मैं न्याय करै कुण, जौ हुवै राय अन्याई।--जयवांणी

• मुहावरा--स्याळ री साख लांकी भरै=बदमाश या अपराधी की गवाही अपराधी ही देता है।

2.बाजार में वह प्रतिष्ठा जिसके कारण उसका लेन-देन तथा व्यापार कार्य अच्छा चलता हो, व्यापारिक ख्याति, प्रसिद्धि।

• उदा.--चौखळा मैं उण रै नांव री साख ही। हजारूं रिपिया उणनै बिना खाता रै मिळ जाता अर वौ खुद तौ किणी नै लिखा-पढी री बात रिपिया देवती वगत करतौ ई नीं हौ।--फुलवाड़ी

3.इज्जात, प्रतिष्ठा।

• उदा.--2..बात सुणनै सेठ बोल्यौ--गै'णौ तौ उणनै सूंपणौ ई पड़ैला सात पीढियां री साख जावै। जायनै सावळ समझा। यूं भोळप री बातां करियां घर री साख कीकर रेवैला।--फुलवाड़ी

4.आदर, सम्मान।

5.कीर्ति, यश।

• उदा.--वण जौहर री राख, साख राखी जग ऊंचै। रजपूती भगती, बंधी कद कुळ रै पूंचै।--नारी सईकड़ौ

6.भाग, हिस्सा।

7.रश्मी, किरण।

• उदा.--1..धीरौ रै ग्वाळा वीरा धीरज नूं लेय, सूरज री साखां मैं जास्यूं, रंग री कोटड़ी।--लो.गी.
• उदा.--2..जै बींदणियां रै सत चढ्‌यौ है तौ आप सती करावौ। रोळौ न हुवै। यौ कांम आप रै जिम्मै है। सगळी बींदणियां रौ मन राखौ। सूरज री साख सती करायद्यौ।--नैणसी रौ साकौ

8.नाता, सम्बन्ध, रिश्ता।

• उदा.--अर गढ रौ जोम होवै तौ फेर सांमांन करौ। म्हांरी फौज आवै छै। जिण सूं हाथ जोड़ज्यौ। अबरकै तौ छोडिया छ। जंमीदारां री साख सूं हर अबरकै चूकस्यौ तौ मार हीज नांखस्यूं।--प्रतापसिंघ म्होकमसिंघ री वात
• उदा.--2..जाटां माथै मै'र, रोटी-बेटी रौ साख पाळै, रूखाळी करै। जाटणी रै जायै नै हेल नीं आणद्‌यै। हर बखत हिमरा चढतौ फिरै। लूँठा नै लोढै पर गरीबां रै मोढै लाग्यौ रैवै।--दसदोख

• मुहावरा--(1) साख धोयां थोड़ा ई धुपै=रिश्ता मिटाने से नहीं मिटता है। (2) समझै ज्यांरौ साख नीतर कीं न कांई=माने उसके लिए सम्बन्ध अन्यथा कुछ नहीं। (3) समझणां सूं साख सगळा काढै= बुद्धिमान और समझदार व्यक्तियों से प्रायः सभी रिश्ता जतलाने के इच्छुक होते हैं एवं रिश्ता निकाल लेते हैं।

9.शिक्षा, उपदेश।

• उदा.--सतपुरसां री साख सुण, सीखत ग्यांनी होय। हरीया गुर सबद बिन, ध्यांनी भया न कोय।--अनुभववांणी

10.फसल, उपज, पैदावार।

• उदा.--1..दावौ पड़्‌योड़ी कै झोलौ लाग्योड़ी साख लुगथुकी पड़ै ज्यूँ 'बादळ' रौ डील लूखौ पड़ग्यौ। दीप दीप करतौ उणियारौ साव मगसौ पड़ग्यौ।--फुलवाड़ी
• उदा.--2..झुकै धर हैमर सूर झूँझार, भयै किर साख तिडां दळ भार। इसी सरसौक नक्यूं अटकाय, आयौ 'अभपत्तिय' बाज उडाय।--सू.प्र.

11.विवाह, शादी।

12.सगाई, मंगनी।

• उदा.--छोटू मारजा रै तीन बेट्‌यां, जकां मैं सूं बडोड़ी रौ साख डूंगरगढ रै एक पावर हाउस रै मस्तरी रै दसवीं पास बेटै सूं मंड्‌यौ है।--दसदोख
• उदा.--कैयौ--थांरै घरांणै रौ नांमून सुण'र आपरी बाई रौ साख करण नै पधार्‌या है। थानै कुंवरजी वणावणा चावै है। मैरवांनी करावौ।--दसदोख

13.पैढी।

• उदा.--अबार छोडूं तौ पचास रिपिया तौ म्हारी दुकान री साख रा ई आ जावैं।--फुलवाड़ी

14.वंश, गौत्र, शाखा।

• उदा.--1..मालदै नूं मुवां थोड़ा दिन हुवा था सु चंद्रसेन कन्है साख साख रा सबळा रजपूत था।--राव चंद्रसेण री बात
• उदा.--2..अमर सुजस दत खगि अधिकाई, साख 'पदम' री बधै सवाई।--सू.प्र.
• उदा.--3..तुरक घडा नव तेरही, तेरह साख कमंध। इळ धूकळ कळि ऊपजै, ज्यां कपि दळ दसकंध।--रा.रू.

15.दरवाजे में कपाट के दोनों किनारों पर लगाई जाने वाली सीधी (खड़ी) लकड़ी।

16.एक साल की आयु वाला बैल।

17.किसी बड़ी जलधारा से निकली छोटी जलधारा।

18.अग्निशिखा।

• उदा.--संपेख अगनग साख सी, रत रोस मारग राखसी। तिंह नाक पांण विछेद ताडै, बांण इक रघुबीर।--र.रू.

19.घोड़े के चारजामे का एक भाग।

• उदा.--घोड़ा लोह चाब रह्या छै, जीणां री साखां जनाखां ऊंची नांखीजै छै। तंग खोळा कीजै छै।--रा.सा.सं.

20.प्रमाण, सबूत।

• उदा.--1..कठै साख इण विध कही, सुणि इम कहै सुजांण। मांडै कायब माघ मधी, पंडित माघ प्रमांण।--सू.प्र.
• उदा.--2..ऐसी भांति सै खटि भाखा कहि बताई। चातुरी कळा की भांति भांति चतुराई। जिसकी साख प्रथम भाखा संसक्रत सौं तौ अनुभूति क्रत्य सारस्वत सौ पाई।--सू.प्र.

21.स्वामी कार्तिकेय।

22.अनलवसु का पुत्र जो कार्तिकेय का छोटा भाई था।

23.देखो 'साखा' (रू.भे.) (डिं.को.)

• उदा.--तुंही भारती भाखणी सख भाखा, तुही सरव दातार मंदार साखा। हमाऊ परां तोकरां छांह हेकौ, नकौ पार ओतार थारा अनेकौ।--मे.म.

रू.भे.

साक, साखि।

अल्पा.

साखड़ी।

क्रि.प्र.--घालणी, दैणी, भरणी।

विशेष विवरण:-देखो 'पेडी' (2) [सं.शाखा]